Komentarze do: La 99a elsendo

Autor: Vladimir Soroka

Vladimir Soroka — Sat, 03 May 2014 20:03:39 +0000

Jen ankoraŭ unu regule mirinda elsendo!!!
Nur ĝi estas pli pensiga ol aliuj…
Dankon!

Apartan dankon pro la kortuŝaj zorg-vortoj pri eterne-interna E-pac-ideo.

Autor: Fabjo

Fabjo — Sat, 05 Apr 2014 20:32:31 +0000

Varmajn Salutojn, kara Irek kaj tuta skipo de V.V.! Nur hieraŭ mi trovis tempon por aŭskulti la plej novan elsendon kaj tiam subite surpriziĝi kiam mi aŭdis mian propran voĉon!!! Hehehe… #) Dankegon pro la disvastigado de la raporto pri NASK! Por mi estas vera honoro iel partopreni en V.V. ĉar mi estas freneza fanatikulo de via imitinda laboro por Esperanto. Fortan brakumon al Irek kaj kisojn al la knabinoj.

Autor: Guadalupe Vega Acosta

Guadalupe Vega Acosta — Wed, 02 Apr 2014 04:53:54 +0000

Bonega! Por mi estas la unua fojo en mia vivo ke mi auxskultas. Gratulon! Al cxiuj. Guadalupe el Meksikurbo.

Autor: Guadalupe Vega Acosta

Guadalupe Vega Acosta — Wed, 02 Apr 2014 04:37:41 +0000

Mi jxus malkovris tiun cxi elsendon. Mi volas gratuli al cxiuj kiu laboras por ke ni havu la sxancon esti en kontakto kun Esperanto. Cxio estas tre interesa. Dankon! Amike. Guadalupe el Meksikurbo.

Autor: Rogener

Rogener — Mon, 24 Mar 2014 20:24:35 +0000

Belega elsendo, kiel ĉiam! Dankon!

Autor: Irek

Irek — Thu, 20 Mar 2014 22:09:54 +0000

Dankon Francisko! Mi estas sub impreso de via saĝa kaj plena de kompreno komento al mia alvoko. Jes, forte ni esperu, ke ne pro la amaraj spertoj sed pro ekzemploj de tutmonda amikeco atingos ni iam la maturan celon.
Kaj krome dankon pro agrablaj vortoj rilate al nia penado. Plezuro tion scii!
Nome de la redakcio, korajn salutojn el Varsovio!

Autor: Francisko LORRAIN

Francisko LORRAIN — Thu, 20 Mar 2014 14:06:42 +0000

Gratulon, Irek, pro via alvoko al paca kaj amika uzado de Esperanto en via “Mia voĉo pri la krizo en Ukrainio” en la 99a elsendo (3a parto)! Des pli rimarkinda estas vi elpaŝo, ke vin, kiel polon, verŝajne ege maltrankviligas la situacio en tiu najbara lando. Esperanto estu ja lingvo de interkompreniĝo, ne de konflikto kaj batalo. Interkompreno ne ĉiam facilas — foje oni devas longe klopodi por atingi ĝin. Sed ĝi almenaŭ estu ĉiam nia celo. Jen la vera fina venko, al kiu ni devas ĉiam strebi. Se ankaŭ ni interbatalas, nenio restas al ni por proponi al la mondo!!

Aliteme, mi aldonu, ke de kelkaj jaroj mi fidele aŭskultas viajn podkastojn, eĉ aŭskultinte ĉiujn arkivajn elsendojn! Kvankam mi estas maljunulo, kaj malpli interesiĝas pri la muzika dimensio de viaj elsendoj, tamen tre plaĉas al mi ilia etoso ludema kaj malformala, kaj ĉiam interesas min la intervjuoj.

Gratulon al vi kaj al via tuta skipo pro via valorega plurjara laboro!

Francisko LORRAIN
Montrealo (Kebekio, Kanado)

Autor: Irena Natalia Tomaszewska

Irena Natalia Tomaszewska — Thu, 20 Mar 2014 13:22:28 +0000

Saluton Irek, kaj koran dankon pro sciigo. El nia parto mi kore invitas Vin je nia Ŝĉecina Printempa Renkonto. Alvenos ankaŭ eksterlandanoj. Estus bone se niaj junaj kursantoj kontaktus kun aliaj junaj esperantistoj. Ili jam spertis dum nia decembra vizito en Berlino partoprenante en Zamanhoftagoj (13 personoj de ni), ke esperanto estis vere utila por interkompreni unu la aliajn. Mi esperas ke Vi povus informi gekonatulojn pri nia renkonto. Se alvenus gejunuluj ni povus aranĝi pli malmultkostajn tranoktojn. Dezirante al Vi ĉion bonan amike Irena Tomaszewska. prezidantino de ŝĉecina filio PEA.