http://www.manumminen.com/fi/who

kaj pri Vilkki (kaj ankaux Esperante pri Numminen en Vikipedio)

https://eo.wikipedia.org/wiki/Joel_Vilkki

Lernanto cxe Vilkki (sed ne estas sciate, cxu eklernis Esperanton) estis ankaux la granda klasikulo de la ora epoko de la Finnlanda tango, Unto Mononen (1930 – 1968), vidu ankaux en Vikipedio. Lia “Satumaa”, “Fabela lando” farigxis kvazaux nacia himno de la lando de la tango kaj de la sopiro. Ne nur sxerce gxi foje estas proponata kiel nacia himno de Finnlando. Jen prezentajxo el filmo (kiun priprezenti aparte indus), plus Esperanta redono por kunkanti:

https://www.youtube.com/watch?v=4iJzBmszxII

Fabellando
Muziko kaj liriko de Unto Mononen (1930 – 1968), esp. Tuomo Grundström

Sabla strando en la lando ie trans la mar’
sentas tuŝon, ŝaŭmopluŝon, kison de ondar’.
Floroj brilas, birdoj trilas tie ĉe aŭror’
ĉe l’ marplaŭdo pri morgaŭo zorgoj restas for.

Ho, se mi povus flugi al la lando de fabel’
kaj tie resti, ĉiam nesti sub la bluĉiel’,
sed nur senpova, terprizona, povra devas mi
sopiroplena, terkatena resti tie ĉi.

Flugu kanto, mesaĝanto trans la horizont’,
al amata, dezirata estu mia pont’.
Tien iru, tenerdiru jenon nur de mi:
Miozoton, kordorloton rajtas sole ŝi.

Ho, se mi povus flugi al la lando de fabel’
kaj tie resti, ĉiam nesti sub la bluĉiel’,
sed nur senpova, terprizona, povra devas mi
sopiroplena, terkatena resti tie ĉi.