Intervjuo kun La Perdita Generacio

Sur la foto La Perdita Generacio dum koncerto.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Elŝutu intervjuon

La Perdita Generacio naskiĝis por mi dum la 65a IJK en Zakopane. Tiam la unuan fojon mi vidis ilian duonoficialan koncerton en la amaseja manĝejo. Jes mi vidis, ne partoprenis ĝin, ĉar fakte la manĝejon mi vizitis pro la orgaizaj aferoj kaj nur iom restis tie - dum la koncerto nur por vidi kio okazas. Ĉirkaŭ piano kole…ktiĝis tiam Tomio, Martin, Magnus, Tali, Maria, Stefan kaj Ksenia. Mi memoras kiam kantis Tiomio kun Tali kaj la voĉon de Tali mi konservis en la memoro, bela, ĝuis ĝin ankaŭ jaron poste, en Sarajevo, kiam freneze ŝi eniris scenejon por kanti kun jOmO. Tion mi registris, ankoraŭ ne publikis, sed… Venos tempo!

Menciitan koncerton el la IJK mi aŭdis poste. Trafis en miajn manojn duonoficiala, same kiel la koncerto, KD kun prezentitaj en Zakopane kantoj. La duan fojon LPGon mi ĝuis jam plene. En 2008, preskaŭ tuj post eldono de ilia dua disko “Eksplodigos Vian Domon”, la bando prezentiĝis sin dum la Artaj Konfrontoj en Esperanto “Arkones”. Pli frue, en 2007, aperis “Eksenlime”, KD, kiu forte kaptis mian atenton. Ne mire do, ke ĉi-foje mi partoprenis la koncerton ekde komenco ĝis fino.

LPG estas grupo malfacile difinebla laŭ personoj. Dum ĉiuj koncertoj, kiujn ĝis nun mi partoprenis, la konstanta bandano evidentiĝis nur Tomio. Dum Arkones akompanis lin Anna, Karen kaj Magnuso, sed ne tiu kun la fluto, kiun mi vidis en Zakopane. La intervjuo, same kiel la koncertaj pecoj, venas ĝuste de tiu renkontiĝo. Mi estis sub impreso de tiu ĉi koncerto. Grandparte dank’al bonega ekvilibro inter la voĉoj de Tomio, Anna kaj Karen. Poste mi havis plezuron inviti la bandon al AS’2009 en Liptovsky Mikulaŝ, kie kiel ĉiam fervore ili koncertis oficiale kaj neoficiale. Tiam naskiĝis la fama demando pri grandeco de la ŝuoj… Sed tio jam estas alia historio, kiun kun la dua intervjuo mi prezentos en la podkasta arkivejo iom poste.

Nun mi invitas vin rememori la unuan renkontiĝon kun LPG.
Bonan aŭskultadon, bla bla bla :)))

Intervjuo registrita septembre de 2008 dum Arkones,
publikita en la 41a VVE, intervjuis Irek kaj Saŝa,
tempo-daŭro 13:35.

Krom-registraĵoj:

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

• Fragmento de la koncerto dum la Artaj Konfrontoj en Esperanto,
  Arkones 2008, Poznano / Pollando
  “Ĉiuj ni amegas Usonon” (tempo-daŭro 5:52).

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

• Fragmento de la koncerto dum la Artaj Konfrontoj en Esperanto,
  Arkones 2008, Poznano / Pollando
  “Amokanto” (tempo-daŭro 3:59)

La Perdita Generacio, mallonge LPG, estas esperantlingva muzikgrupo kiu naskiĝis el la svedlingva bando kun samsignifa nomo Den Förlorade Generationen aŭ DFG. Tiu naskiĝis en 1995 en Skellefteå, Svedio; ties stilo povas priskribiĝi kiel “progg”-muziko: profundaj socikritikaj kaj kŭeraj tekstoj kun ĉarmaj, emociaj melodioj kaj harmonioj, subtenataj per interesaj ritmoj.

DFG ekludis plurajn el siaj kantoj esperantlingve ekde 2003 kaj tiel iom post iom iĝis LPG. La bando iĝis parto de la Esperanto-movado kaj jam ludis en multaj internaciaj renkontiĝoj. Dume publikiĝis la kodiskoj Eksenlime (2007) kaj Eksplodigos Vian Domon (2008) pere de la esperantmuzika eldonejo Vinilkosmo.

Ligoj: La oficiala retpaĝo de LPG, Hernusanda E-Klubo,
…………filmita de Irek  “Ĉiuj ni amegas Usonon”.